偽潮文

其實我諗唔明，為何「反佔中」派系會選擇「用民意」這個方式來支持佢地「反對民主普選」的立場？有無人同我一樣覺得呢件事好矛盾？

「和平佔中」爭取的「公民提名普選」，與林鄭sell的「袋住先普選」，其實相差的應是「公民提名」一環，而公民提名正是against中央先篩選候選人、後才比香港人「普選」的防預措施。如果你比「梁振英１號」、「梁振英２號」同「梁振英３號」我揀，咁的中國特式普選，有乜＿用？

到時候，政府話咩就咩，d官話拆你屋就拆，你完全奈佢地唔何，因為你手上普選果票，下次都係要投比「梁振英(version 2)１號」、「梁振英(version 2)２號」同「梁振英(version 2)３號」，又或棄權、唔投。今日拆東北，下次拆你屋企時，唔通「幫港出聲」會幫你出聲？

究竟屋企樓下d企街(站)C9，明唔明佢地支持緊一樣咩事？明唔明佢地留緊d咩比下一代？我唔會因人地同我政治立場唔同而嘲笑人地或言語暴力，正正因為我地支持的「民主」玩法就係要人人平等，但點解有人願用「人人平等」的玩法去支持「唔人人平等」的政制？

我諗唔透…